Shkruan: Gentian JETISHI

Gjersa policia por bastiste shtëpinë e një politikani nën akuzat për dyshim të korrupsionit të gjithë gazetarët po prisnin tek dera kryesore ta filmonin ngjarjen tek do ta dërgonin me duar në pranga për në paraburgim. E vërteta është se policia për dalje kishte shfrytëzuar derën e pasme dhe gazetarët mbetën pa pamjet ekskluzive si pasoj e mungesës së provoje në ngjarje të tilla . Ngjashëm me situatën në fjalë shohim që i tërë fokusi i medieve, analistëve e shpesh herë edhe i politikës drejtohet tek myslimanët duke zmadhuar edhe me të voglën frymëmarrje, duke i bërë presione të gjitha llojeve ndërkohë nga dera e pasme fundamentalistët e feve tjera dhe ekstremistët anti-fetar nga dera e pasme ,bëjnë kërdi me çdo vlerë njerëzore, fetare dhe kombëtare pa u bërë e madhe dhe pa pasoja për asnjërin nga ata.

Cytjet dhe indoktrinomi ndaj Islamit në trojet shqiptare ka origjinë të vjetër, por tani veç është shpeshtuar dhe si duket po shkon drejt klimaksit sepse një situatë e tillë nuk mund të jetë e pranueshme dhe aq më tepër e qëndrueshme.
Hipokrizia dhe hipokritët kanë filluar të tregojnë fytyrën e tyre të vërtetë. Të vërtetën do ta thotë me siguri historia shkencore, nëse ndonjëherë do të shkruhet nga historianët e mirëfilltë dhe jo ajo emocionalja dhe ‘ e të fortëve’ :

Është tashmë diçka që secili e ka kuptuar që në Shqiptari zhvillohet një luftë e hapur dhe e fshehur ndaj myslimanëve shqiptar, por realiteti i padiskutueshëm është se në botë domosdo nuk realizohen planet e bodrumeve por në botë realizohet Përcaktimi Hyjnor dhe kjo është ligj natyre (për ata që parapëlqejnë ta quajnë ashtu ).

Islami është thellë i mishëruar në shpirtin e popullit shqiptar, për të dëshmojnë gjenet tona, mimika ynë në raste të veçanta dhe jo vetëm zemrat tona që zbuten dhe urtohen me të. Ngado në Shqiptari janë të shprehur dëshmitë e Islamit pavarësisht se edhe kjo trashëgimie kulturore nuk ka mbet e pa prekur nga kjo dhunë që nuk justifikohet me ‘kombëtarizm’ por me emrin e tij të vërtet fundamentalizëm dhe ekstremizëm anti islam, verbëri e plotë çnjerëzore .

Në këtë frymë janë edhe përpjekjet e disa prej ‘publicistëve ‘ që masës të iu imponohen vetëm disa figura si më emblematike të kombit shqiptar vetë e vetëm pse i përkasin fes së tyre. Me tepër se kaq në disa nga forumet e tyre elektronike gjen edhe të tilla shkrime që ngjallin urrejtje për figurat kombëtare siç është Abdyl Frashëri dhe evenimentin më të rëndësishëm kombëtar Lidhja Shqiptare e Prizrenit. Për faktin që Abdyl Frashëri dhe Ymer Prizreni kanë qenë mysliman dhe LPSH në program pos tjerash kishte edhe këtë pik, ata këtë ngjarje dhe këto figura i quanin si rrezik. Imagjinoni aq larg ka shkruar urrejtja e këtyre njerëzve !!! Kush do të dinte çka është Shqiptaria po të mos ishte kjo ngjarje dhe kjo figurë. Pavarësisht kësaj ngjarje që është kryekëput kontribut në mënyrë maksimale nga myslimanët, madje edhe vet Lidhja Shqiptare e Prizrenit është zhvilluar në xhaminë afër saj, e të gjitha këto nga ana e myslimanëve nuk u morën për argument për tu bërë presion tjerëve për ti shpallur figura emblematike të kombit si përkundër pandehin disa fundamentalist. Ndonjëherë të duket se qëllimi i tyre është që të provokojnë dhe të ngjallin urrejtje (dhe jo diç tjetër) sepse emrat që përdorin në vazhdimësi janë emra të cilët lakohen për ndonjë vepër që aspak nuk ka të bëjë me kombin. E kësaj natyre është fjala vjen Pjetër Bogdani për të cilin asnjë albanolog apo historian nuk e mohon se ka masakruar prishtinasit mysliman dhe sa vetë ata prishtinasit e mbyten dhe e hedhen në hedhurina. Ngjashëm është e figura e misionares së krishterë ‘Gonxhe Bojaxhiu’ e cila kërkohet të na imponohet më shumë se çfarë ishte. Për myslimanët shqiptar është shumë provokuese me tepër se masakër kur një misionare e cila ka konvertuar fëmijët e varfër mysliman në Indi për në fenë saj, një e tillë të na obligohet ta konsiderojmë si figurë kombëtare , kjo veç ia humb vlerën kombit. Sigurisht si figurë të krishterë e respektojmë si çdo figurë tjetër se e ndjejmë si obligim fetar për respekt dhe jo asgjë më shumë.

Indoktrinimit kundër Islamit dhe fesë në përgjithësi dikur i kanë prirë shkollat dhe universitet tona, të cilat në vend që të i edukonin nxënësit për qasje shkencore, pa emocione, duke marrë parasysh në radhë të para argumentet dhe shqyrtuar mirë në dy anët e medaljes pastaj për të dhënë konkludim. Por ata nuk lejonin të bënin një qasje të tillë ata i indoktrinonin ‘ kta të fes thonë kshtu e kshtu ... hoxhollart përpara na thojshin...po çka din be hoxha e popi’ .... ‘’ . Sikur këta nxënës dhe student do të edukoheshin për qasje shkencore ndoshta do të bëhej ndonjë prej tyre shkencëtar dhe me ndonjë zbulim , me të cilin do të krenoheshim të gjithë . Pak janë nga ata nga populli ynë që kanë bërë ndonjë zbulim shkencor (të cilët me siguri kanë pasur qasje tjetër) por që populli i ka heshtur dhe pak nga ne i njohim. Ne nuk jemi të interesuar edhe aq për shkencë sa na intereson kamuflimet dhe mashtrimet të cilat i llogarisim për zotësi të dikujt. Tani qasje në shkolla dhe në universitet është pak më ndryshe për fat të mirë dhe rastet të ngjashme të indoktrinimit janë përjashtime aty këtu.

Sot kundër fes dhe veçantë fesë Islame në mas të madhe kontribuon media dhe OJQ të dyshimta të cilat me fuqinë e parasë blejnë individ të varfër në mendje më shumë se në financa. Për çdo ditë në mediet shqiptare në veçanti në ato në Shqipëri dhe Kosovë ke ndonjë shkrim të ulët dhe shumë të vrazhdë që ofendon, nënçmon dhe lëndon ndjenjat e myslimanëve. Për këtë nuk shohë ndonjë pengesë me që shihet qartë që secila nga mediet ka edhe një qëllim në prapavijë përveç informimit . Në një vend të lirë edhe myslimanët në Shqipëri dhe Kosovë do të duhet të formonin jo 1 por 4 ose 5 gazeta ditore me të cilat do të tregonin anën reale të Islamit.

Por çështja më e ndjeshme qëndron tek OJQ të cilat kanë ardhur nga perëndimi. Në emër të ndihmave, kurseve të gjuhës angleze, formimit të grupeve muzikore, bursave të studimeve në vende të ndryshme kanë manipuluar me shumë të rinj kosovar të cilët kanë rënë në grackën e tyre. Nuk po flas këtu për konvertimin e tyre për qëllim fetar sepse po e kuptoj si një të drejt të tij , por po flas për indoktrinimin e tyre deri në atë mas sa me të tillët nuk flitet. Ata kanë aq shumë urrejtje për Islamin , kanë aq shumë keqkuptime për të cilat janë thellë të bindur sa që nuk e beson se këto kanë ardhur vet nga bindja por se vetëm dikush i ka indoktrinuar. Kot u thua që Bin Laden nuk ka asgjë me Islamin madje të gjithë dijetarët janë distancuar nga ai, kot i tregon që Islami është fe e paqes e ngjashëm. Mësuesit e tyre si duket kanë qenë të specializuar për të i indoktrinuar. E keqja në këtë situatë është këta njerëz janë të paaftë për të qenë qytetar normal në vendet tona dhe kurdo herë do vuajmë pasojat e tyre siç kanë filluar ta rrënojnë tolerancën ndër fetare që e kemi pasur ndër shekuj. Aq mirë janë të organizuar sa që në Prishtinë një bashkësi e protestantëve ka hapur një shtëpi botuese e quajtur ‘Tenda’ e cila në vazhdimësi boton libra kundër Islamit – që do të thotë në të botohen libra që provokojnë 98 % të qytetarëve ( madje edhe kjo përqindje u pengon dhe e kontestojnë por qe nuk dyshojmë se mund të ketë lëvizur as për gjysmë për qind ). Për këtë fenomen ka reaguar shumë shpesh Bashkësia Islame e Kosovës , por kujt ti flasë kur rrënjët e tyre këtë individ i kanë futur thellë në politikën e Kosovës.

Kjo është një çështje shumë e ndjeshme , gjithqysh dhe gjithnjë nëse jemi të interesuar për shtet normal , institucionet e Kosovës duhet të ushtrojnë më shumë kontroll ndaj këtyre OJQ-ve, boll u kanë rënë në qafë OJQ-ve të myslimanëve. Shumë prej tyre duhet të dëbohen sa më parë nga Kosova , të tjerat duhet të veprojnë ato veprimtari për të cilat i ka licencuar MAP. E njëjta gjë duhet të vlej edhe për OJQ-të në Shqipëri dhe pjesë të trojeve Shqiptare. Gjithashtu në Kosovë dhe Shqipëri duhet të themelohet një institut për shërimin e të indoktrinuarve për ti aftësuar sërish për qytetar normal me qasje normale.

Fakti që mbi 75% të kombit Shqiptar i përket fes Islame do të thotë se elementi i dytë identifikues pas kombit për popullin shqiptar mbetet feja Islame. Ky element në këtë sasi dhe në veçanti kur bëhet fjalë për fenë Islame për të cilën Faik Konica pati thënë : “Po të mos ishte Islami tek Shqiptarët ndoshta do të ishin më shumë por jo Shqiptar” ky dhe ky fakt nuk duhet të luftohet por duhet të ruhet si sytë e ballit. Të gjithë historianët e pranojnë faktin që Islami ka ndikuar në ruajtjen e identitetit kombëtar. Prandaj qytetari shqiptar nuk duhet të hutohet dhe cytet dhe kjo në veçanti vlen për nacionalistët neutral që ende si ka kap ndonjë prej rrymave ekstremiste anti islame apo anti fetare. Nëse kaq shumë cytemi ndaj myslimanëve , shumicës absolute të kombit shqiptar , atëherë për çfarë bashkimi kombëtar flasim e ëndërrojmë kur zemrat e shumicës absolute të tyre i kemi lënduar. Apo mos shpreson dikush se myslimanët dhe jo vetëm myslimanët do të hyjnë sërish nën sundime si ai i Enver Hoxhës i cili u pat treguar më i dhunshëm si gjithë okupatorët tjerë. A janë a nuk janë fetar shqiptarët kjo nuk vendoset me analiza të ateistëve por këtë e thonë zemrat e njerëzve. Nuk ka popull që nuk është fetar , prandaj edhe ne jemi popull normal dhe sigurisht jemi fetar. Duke përkrahur dhunën ndaj myslimanëve po rrënojmë kombin tonë, po ia humbim vlerën shpirtërore të qenit kombëtar. Megjithatë nëse deri tani Islami e ka ruajtur Shqiptarinë , do ta ruaj edhe në vazhdim pavarësisht asaj që në periudha si kjo në fron do të jenë njerëzit më të zbrazur nga vlerat humane, fetare dhe kombëtare.

Shqiptarin nuk ua kemi fal askujt