Në emër të Allahut, të Gjithëmëshirshmit, Mëshiruesit. Paqja, mëshira dhe begatitë e Allahut qofshin mbi Muhammedin s.a.v.s., mbi familjen e tij, shokët e tij dhe të gjithë ata që e ndjekin rrugën e tij deri në ditën e llogarisë. O Allah të drejtohemi Ty me lutjen më të sinqert, për çlirimin e Kudsit nga agresorët izraelit, për dhënien ndihmë vëllezërve dhe motrave tona në Gaza. Sajti alb-drejtesia.com është pjesë e rigjallërisë së popullatës muslimane në Ballkan e veçanërisht tek populli shqiptar. Si shumë sajte tjera me këtë frymë, edhe ky sajt është një sajt islam i cili ka qëllimet, vizionet, strategjitë dhe format e veprimit të vet. Në pamje të parë tek vizituesi i këtij sajti duket se gjithëçka është e njejtë dhe nuk ndryshon fare prej sajteve tjera të cilat për çdo ditë po hapen në botën mediatike dhe po luajnë rrolin e tyre në ndryshimin e shoqërisë. Por, nëse analizojmë më thellë dhe më afër identitetit të këtij sajti do të shohim se ky sajt dallon prej sajteve tjera edhe pse gjendet në vijë të drejtë me një grup sajtesh tjera islame në internet. Pse ky emër? Shtesa alb sqaron identitetin tonë kombëtar dhe gjuhën me të cilën ne flasim e veprojmë. Por, kjo shtesë në fillim të emërtimit specifikon edhe pjesët e njerëzve kujt i drejtohet thirrja islame. Pjesa tjetër e këtij emërtimi me të cilin emër ne identifikohemi është se sot popullin tonë ka kapluar padrejtësia edhe në vet pjesëtarët e saj dhe ka nevojë që ndryshimi të fillojë mu aty ku zemra e njeriut lëngon më shumë. Nëse paraqesim në pah drejtësinë, atëherë padyshim se do të ishim shumë produktiv në realizimin e synimeve tonë, dhe e kundërta, nëse ne paraqitemi para opinionit publik me këtë emër e në fakt aspak nuk përfillim drejtësinë ne cënojmë integritetin e thirrjes islame. Në saje të drejtësisë së të parëve tanë musliman, pjesa më e madhe e rruzullit tokësor pranoi Islamin, e nga kjo nuk d.t.th. se ne zhvlerësojmë edhe pjesët tjera të cilat janë të domosdoshme për t`u aplikuar në thirrjen islame. Kush jemi ne? Në fakt, ne nuk ishim, por u bëmë. Kemi rrënjë në Kur`an dhe Sunnetin e Resulullahit s.a.v.s. Ndoshta ne jemi frytet e lëvizjes dekadëshe islame të cilën lëvizje e organizuan një numër i madh i organizatave islame në Ballkan, ndoshta ne jemi edhe të lindur misionar në këtë formë të realizimit të misionit, ndoshta jemi edhe disa njerëz të cilët kemi gjetur përkrahje tek një numër i madh njerëzish tjerë të cilët pëlqejnë metodën tonë të plasimit të idesë islame në internet. Por, mbi të gjitha ne jemi një grup studentash e studentesh, një grup shkollarësh të mesëm të cilët synojmë që në mënyrë të organizuar të veprojmë në internet. Cilat janë objektivat tona? Objektivat e këtij grupi janë të shumta dhe shumëdimensionale. Kemi objektiva të cilat janë afatgjate dhe të tilla të cilat janë afatshkurtëra. Si ide dhe mendime do i plasojmë vetëm ato që janë afatshkurtëra dhe që janë të kapshme për një pjesë të lexuesve tanë. Ne synojmë që: 1.Të nxisim të rinjtë dhe të rejat të shkruajnë për Islam, 2.Të nxisim të rinjtë dhe të rejat që të përkthejnë për Islam, 3.Të jemi urë lidhëse midis atyre të rinjve dhe të rejave që shkruajnë dhe përkthejnë për së pari herë në njërën anë dhe në anën tjetër me mediat elektronike dhe të shkruara, 4.Të përkrahim të gjitha iniciativat islame që ndodhin në trojet shqiptare e që janë në dobi të muslimanëve, 5.Të jemi bartës të iniciativave islame në trojet shqiptare... Ekipi i këtij sajti gëzohet me secilin musliman shqiptar i cili merrë iniciativë islame dhe mundohet që të kontribuojë në dinin e Allahut. E veçanërisht gëzohet me atë grup njerëzish të cilët për së pari herë veprojnë në veprimtarinë islame. I dashuri vëlla dhe e nderuara motër. Po të drejtohem ty që asnjëherë në jetën tënde nuk ke shkruar asnjë shkrim, ose ke shkruar por je frikësuar që të plasosh atë shkrim tek një numër më i madh i lexuesve. O vëlla dhe oj motër që zotëron me një gjuhë të huaj, ke mundësi të përkthesh për fe dhe nuk përkthen pasiqë friksohesh se do të shohin njerëzit me një sy pak ma ndryshe. Të gjithë ne të këtij grupi jemi soji juaj, prej atij vendi kemi dalur, prej atyre streseve dhe tremave jemi shndrruar në një grup aktiv që synim kryesor ka arritjen e kënaqësisë së Allahut. Ne jemi si ti o vëlla dhe oj motër. Prandaj mos ke frikë, bashkohu me ne! Nëse bashkohemi padyshim se stresin dhe tremën do e shndërrojmë në dobi dhe fuqi. Kontribuo edhe ti në këtë rrugë. Me dua: Hamdi Nuhiju Ideator dhe inicues i këtij grupi... alb_drejtesia@yahoo.com

0 komente · 2098 herë është lexuar ·